«Обод қишлоқ» давлат дастури доирасида Наманган вилоятида 34 та инвестицион лойиҳа амалга оширилади. Бу ҳақда Инвестициялар бўйича давлат қўмитасига таяниб, Sputnik хабар берди.
Лойиҳалар Косонсой, Поп, Тўрақўрғон, Уйчи, Чортоқ, Чуст, Янгиқўрғон ҳамда Наманган туманларида амалга оширилади.
Таклиф қилинган лойиҳаларни амалга ошириш учун 299,5 миллион доллар миқдорида тўғридан-тўғри хорижий инвестиция киритиш режалаштирилган. Улар қиймати 60,7 миллион долларлик 10 та лойиҳа, 117,3 миллион долларлик 10 та лойиҳа ва 121,5 миллион долларлик 14 та истиқболли лойиҳалардир.
Таклиф қилинаётган инвестицион лойиҳалар орасида Наманганда Жанубий кореялик инвесторлар билан ҳамкорликда замонавий кўп тармоқли клиника, Поп туманида хитойлик инвесторлар билан кичик юк автомобиллари ишлаб чиқариш, Уйчи туманида туркиялик, Чуст туманида россиялик ҳамда Янгиқўрғон туманида хитойлик инвесторлар билан корхоналар ташкил этиш каби лойиҳалар мавжуд.
Изоҳ (0)