Ўзбекистоннинг муқобил энергетика бўйича компаниялари АҚШда малака оширишга таклиф этади, деб хабар беради Spot.
Ишбилармонлар учун мўлжалланган махсус дастур (CABIT) АҚШда уч ҳафталик малака ошириш курсларига номзодларни йиға бошлади. Малака ошириш курслари «Фуқаролик ва тижорий қурилишларда қайта тикланадиган энергия манбалари ва энергия самарадорлиги» йўналишида ташкил этилади.
Малака ошириш курслари 27 октябрдан 17 ноябрга қадар давом этади. Курслар рус ва инглиз тилларида олиб борилади. Ҳужжатлар 13 июлга қадар қабул қилинади.
Саралаш босқичидан ўтган иштирокчиларнинг барча харажатлари (авиачипта, меҳмонхоналарда яшаш, мажмуавий таълим дастури, таржимонлар хизмати, тиббий суғурта, шунингдек овқатланиш нархи ва қўшимча харажатлар учун стипендия) қабул қилувчи томонидан тўлаб берилади.
Малака ошириш курслари фуқаролик ва тижорий қурилишлар соҳасида қайта тикланадиган энергия манбалари ва энергия самарадорлигини таъминловчи технологияларни қўллаш бўйича қарорлар қабул қилувчи мутахассислар учун мўлжалланган.
Изоҳ (0)