Япония ҳукумати «Аум Синрикё» сектаси асосчиси Секо Асахара (ҳақиқий исми Тидзуо Мацумото)га нисбатан ўлим ҳукмини амалга оширди, дея хабар бермоқда «Корреспондент.net» NHK телеканалига таяниб.
Таъкидланишича, у билан бирга унинг яна бир неча сафдошлари қатл қилинган.
Секта аъзолари бир нечта қотилликларда ва заҳарловчи моддалардан фойдаланиб уюштирилган терактларда айбдор деб топилган.
1994 йилда «Аум Синрикё» тарафдорлари Нагано префектурасидаги Мацумото шаҳрида зарин газини сочган, оқибатда етти киши қурбон бўлган. 1995 йил мартида эса сектантлар Токио метросида зарин сепиб, иккинчи терактни амалга оширган, ўшанда 13 киши ҳалок бўлган, олти мингдан ортиқ киши турли даражада заҳарланган эди.
1995 йил мартидан секта фаолияти дунёнинг барча мамлакатларида тақиқланган.
2004 йил февралида суд Асахарани осиш йўли билан ўлимга ҳукм қилди. Унинг адвокатлари ҳукм устидан норозилик аризаси беришга уриниб, Олий судгача етди, аммо у 2006 йил сентябрида уларнинг апелляциясини рад этди.
Изоҳ (0)