Таиландда қисман сув остида қолган Кхао Луанг ғоридан футбол жамоаси аъзолари бўлган мактаб ўқувчилари ва уларнинг мураббийини қутқариш чоғида аквалангчилардан бири ҳалок бўлди, деб ёзади «ТАСС».
Таиланд ҳарбий-денгиз кучлари офицери операциянинг 13-куни ҳалок бўлган. У ғордаги болаларга кислород баллонларини етказиб бериб, ортига қайтаётганида ҳушини йўқотган ва қайтиб кўзини очмаган.
11 ёшдан 16 ёшгача бўлган болалар ҳамда уларнинг 25 ёшли мураббийлари 23 июнь куни йўқолиб қолганди. Уларга тегишли нарсаларни Таиланд шимолидаги ғорга кираверишдан топишди. Кейинги кун эса кучли ёмғир бошлангани учун ғорга кириш қийинлашган. Ғорнинг бир қисмини сел оқизиб кетди.
Изоҳ (0)