АҚШдаги Сакраменто шаҳри ва Берриесса кўли ўртасидаги ўрмонда ёнғин юз берди. 30 июнь, шанба куни маҳаллий вақт билан тунги соат 02:00 ларда ёнғин тўғрисида хабар қилинган. Бу ҳақда USA Today’га таяниб, Forum Daily ёзмоқда.
Маҳаллий аҳоли вакиллари аввал ҳеч қачон бундай кучли ёнғиннинг гувоҳи бўлмагани, «ҳаммаси кинодагидай» бўлганини айтган.
Табиий офат гувоҳлари ёниб турган ўрмон устидаги оловранг осмон акс этган сурат ва видеоларни ижтимоий тармоққа юкламоқда.
Осмон сарғиш тусга кирган. Мавсумий туманлар ҳам бошланиб, шаҳар устида заҳарли смог (ишлаб чиқариш чиқиндилари туфайли ҳавонинг ҳаддан ташқари ифлосланиши) вужудга келган. Атроф-муҳит муҳофазаси агентлиги (EPA) 30 июнь, шанба куни ҳаво тозалигининг жиддий зарар кўрганини маълум қилган. Натижада шаҳар фавқулодда вазиятлар департаменти ҳудуднинг тутун билан қоплангани тўғрисида аҳолини огоҳлантирган.
2 июль, душанба куни ҳаво таркиби деярли меъёрга келган. Шунга қарамасдан, EPA об-ҳаво шароитининг ёмонлашишини башорат қилмоқда. Бу дегани, ўткир респиратор (нафас олиш системаси билан боғлиқ касалликлар) касалликлари бор кишилар очиқ ҳавога чиқишдан сақланиб туриши лозим дейилади.
АҚШ метеорология хизмати маълумотларига қараганда, Йоло округидаги ёнғиндан кейин кўтарилган тутун Напа, Сонома, Сан-Матео ва Сан-Франциско округларида ҳавонинг ифлосланишига сабаб бўлган.
The sky over San Francisco today from the Yolo County Fire.#countyfire pic.twitter.com/auVcITZomW
— William Chamberlain (@chamberlainwill) July 1, 2018
Айни пайтда қурбонлар ва жароҳат олганлар ҳақида ҳеч қандай маълумот тақдим қилинмаган. Аҳолининг қанча қисми эвакуация қилингани ҳам номаълум. Ёнғинни бартараф қилишда 110 та ёнғин ўчириш машинаси, 29 та жамоа, 12 та вертолёт ва 18 та бульдозер қатнашган.
Изоҳ (0)