Қозоғистон пойтахти Остона шаҳрида 1—7 июль кунлари бўлиб ўтадиган «Евроосиё» халқаро кинофестивалида ўзбекистонлик 4 нафар киноижодкорнинг ишлари намойиш этилади. Бу ҳақда Sputnik хабар бермоқда.
Остонага Кинематографияни ривожлантириш маркази ва Ёш киноижодкорлар кенгаши вакилларидан иборат 15 кишилик делегация йўл олди.
Фестивальнинг асосий конкурс дастурига Рашид Маликовнинг «Сабот» фильми кирди. Қисқа метражли картиналар дастурида ёш режиссёрлар Абдуазим Илҳомжонов ва Ботир Абдураҳмоновнинг фильмлари кўрсатилади. «Карвон» номли махсус дастурда Жаҳонгир Қосимовнинг «Назира» фильми намойиш этилади.
Шунингдек, мазкур тадбир доирасида «Евроосиё» ва Тошкентда шу йил кузида бўлиб ўтадиган биринчи Прологуэ халқаро кинофестивали ташкилотчилари ўртасида ҳамкорлик тўғрисидаги келишув имзоланиши кўзда тутилган. Кинофестивални оммалаштириш учун Остонада махсус павильон ҳам қурилади.
Изоҳ (0)