26 июнь санасида футбол бўйича Россияда бўлиб ўтаётган Жаҳон Чемпионати «D» гуруҳида 3-тур ўйинлари бўлиб ўтди.
Ҳозиргина Нигерия—Аргентина беллашуви якунига етди. Учрашувда ҳисоб 14-дақиқада Лионель Месси томонидан очилди. Иккинчи бўлимнинг 51-дақиқасида Виктор Мозес пенальтидан гол уриб ҳисобни тенглаштирди. 86-дақиқада эса Маркос Рохо гол уриб, Аргентинанинг гуруҳдан чиқишини таъминлади.
Мазкур гуруҳнинг яна икки жамоаси — Исландия ҳамда Хорватия терма жамоалари ўртасидаги ўйинда хорватлар 2:1 ҳисобида ғалаба қозонди. Барча голлар иккинчи бўлимда урилди. Аввалига 53-дақиқада Милан Бадел гол уриб, хорватларни олдинга олиб чиққан бўлса, 76-дақиқада Гилфи Сигурдссон пенальтидан гол уриб ҳисобни тенглаштирди. Ўйин сўнгги дақиқасида Иван Перишич жамоасига ғалаба келтирган голга муаллифлик қилди.
Шу тариқа Хорватия гуруҳда 9 очко билан биринчи бўлди, Аргентина эса 4 очко билан плей-оффга йўлланмани қўлга киритди.
3-турдан сўнг гуруҳдаги вазият:
Жаҳон Чемпионати
«D» гуруҳи, 3-тур беллашувлари
26 июнь, сешанба
Нигерия—Аргентина 1:2
Голлар: 0:1—14 Месси, 1:1—51 Мозес, 1:2—86 Рохо.Нигерия: Узохо, Балогун, Трост-Эконг, Омеруо (Ивоби, 90), Мозес, Ндиди, Оби Микел, Этебо, Идову, Ихеаначо (Игало, 46), Муса (Нванкво, 90).
Аргентина: Армани, Меркадо, Отаменди, Рохо, Тальяфико (Агуэро, 80), Перес (Павон, 61), Маскерано, Банега, Ди Мария (Меса, 72), Месси, Игуаин.
Огоҳлантиришлар: Балогун (32), Маскерано (49), Банега (64), Оби Микел (90), Месси (90).
Исландия—Хорватия 1:2
Голлар: 0:1—53 Бадел, 1:1—76, пенальти Сигурдссон, 1:2—90 Перишич.Исландия: Ҳаллдоурссон, Севарссон, Ингасон, Сигурдссон (Сигурдарсон, 71), Магнуссон, Ҳадлвредссон, Гуннарссон, Гудмундссон, Сигурдссон, Бярнасон (Траустасон, 90), Финнбогасон (Гудмундссон, 85).
Хорватия: Калинич, Едвай, Чорлука, Чалета-Сар, Пиварич, Бадел, Модрич (Брадарич, 65), Ковачич (Ракитич, 82), Пяца (Ловрен, 69), Перишич, Крамарич.
Огоҳлантиришлар: Пяца (14), Ҳадлвредссон (59), Финнбогасон (64), Едвай (83), Севарссон (84)
Изоҳ (0)