20 июнь, чоршанба куни Индонезия ҳукумати Тоба кўлида чўкиб кетган паромнинг 166 нафар йўловчиси бедарак йўқолгани ҳақида маълум қилди, деб ёзмоқда «Интерфакс».
Дастлаб 130 кишининг бедарак йўқолгани хабар қилинган.
350 га яқин киши қидирув-қутқариш ишларига жалб қилинган. Паром 19 июнь, сешанба куни Индонезиянинг Шимолий Суматра провинциясидаги Тоба кўлида чўкиб кетган.
Ҳукуматга тақдим қилинган маълумотларга қараганда, паромда 80 нафар йўловчи бўлган. Кейинроқ бошқа манбалар орқали паром йўловчилари сонининг кўпроқ бўлгани маълум қилинган.
Бир кишининг ўлими ҳақида хабар қилинган. 18 киши қутқарилган.
Маълум бўлишича, паром йўловчиларни лицензиясиз ташиган.
Ҳалокат сабаблари тўғрисида ҳеч қандай маълумот тақдим қилинмаган. Ноқулай об-ҳаво шароитлари, шунингдек, кучли тўлқинлар туфайли қутқарувчилар қийинчиликларга дуч келмоқда.
Изоҳ (0)