Испания ҳукумати диктатор Франсиско Франконинг қолдиқларини «Шаҳидлар водийси»дан Мадридга кўчириш ниятида эканлигини билдирди, деб хабар беради Meduza.
Испания социалистик ишчи партиясининг тепасига яқиндагина келган етакчи Оскар Пуэнтенинг айтишича, эксгумация «максимал даражада қисқа муддатлар ичида» амалга оширилади. «Франконинг қолдиқларини қайтадан дафн қилиш тўғри қарор», — дейди Пуэнте.
Шунингдек, Испания ҳукумати қисқа муддатлар ичида «Шаҳидлар водийси»ни «барча испанларни хотирлаш ва эътироф этиш жойи»га айлантириш ниятида.
Франсиско Франко 1936 йилда Испанияда содир бўлган ҳарбий тўнтариш ташкилотчиси ҳисобланади. Мазкур тўнтариш республикачилар ва националистлар ўртасидаги фуқаролик урушини келтириб чиқарган. Франко Германия нацистлари ва Италия фашистлари билан яхши алоқада бўлган.
Изоҳ (0)