Парижда бўлиб ўтган Eurosatory ҳарбий техника кўргазмасида Arquus компаниясининг Scarabee номли енгил зирҳли автомобили намойиш этилди, деб хабар берди «Мотор».
Тахминларга кўра, мазкур автомобиль француз армиясида 1990 йилдан бери фойдаланиб келинаётган Panhard VBL зирҳли машинасининг ўрнини эгаллайди. Arquus — бу Renault Truck Defense, Panhard ва ACMAT компанияларнинг қўшилишидан ҳосил бўлган зирҳли техникларни ишлаб чиқарувчи Франциядаги янги фирма ҳисобланади.
Арқуус «Скарабей»нинг намунасини синовдан ўтказишни бошлаб юборган. Ўлчами жиҳатидан у Panhard VBL’дан анча йирик. Ўзига хос жиҳати — ҳайдовчига мўлжалланган ўриндиқнинг марказда жойлашганлиги ва суриладиган эшиклар. Бу йўловчилар учун қулайликни яратишга хизмат қилади. Зирҳли автомобиль дизель ва электро гибрид двигателлар ёрдамида ҳаракатланади.
Ихтирочиларнинг маълум қилишича, зирҳли автомобиль масофадан туриб бошқарилувчи Hornet 30 жанговар модули билан жиҳозланиши мумкин.
Изоҳ (0)