11 июнь куни жиноят ишлари бўйича Хоразм вилояти судида интернет орқали диний экстремистик руҳдаги материалларни тарқатиш билан шуғулланган 23 ёшли йигитга нисбатан озодликни чеклаш жазоси тайинланиб, суд залидан қамоқдан озод этилди, деб хабар беради вилоят суди матбуот хизмати.
Дастлабки тергов органи томонидан 1995 йил 30 июнь куни Хоразм вилоятининг Хазорасп туманида туғилган У.М., 2015 йилнинг охирларида дастлабки диний таълимотни мустақил равишда интернет тармоғининг «Odnoklassniki.ru» ва YouTube сайтлардаги диний саҳифалардан ўрганиб, кейинчалик сайтлардаги диний мазмундаги саҳифа ва видеороликларни кузатиб бориши давомида, ислом динига ақидапарастларча ёндашиб, ўзини «Ислом Давлати» аъзоларидан деб ҳисоблаб, интернет тармоғининг диний сайтларида мавжуд бўлган диний экстремистик руҳдаги маъруза ва видеолавҳалардан фойдаланиб, уларни «Абдуллоҳ» номли профилига жойлаштириб, диний ақидапарастлик ғоялари билан йўғрилган материаларни интернет жаҳон ахборотидан фойдаланган ҳолда А.М.И.га тарқатиб келганликда айбланиб, унга нисбатан қамоққа олиш тарзидаги эҳтиёт чораси қўлланилган.
Очиқ суд мажлисида У.М.нинг айбига иқрорлиги, қилмишидан чин кўнгилдан пушаймонлиги, ёшлиги инобатга олиниб, унга нисбатан озодликни чеклаш жазоси тайинланиб, суд залидан қамоқдан озод этилди.
Изоҳ (0)