Украина мусулмонлари диний идораси таклифига биноан Тошкент шаҳридаги «Иброҳим ота» масжиди имом-хатиби Худойберди қори Саидов Украинанинг Киев шаҳрида жойлашган «aр-Pаҳма» жоме масжидида мусулмонларга хатми Қуръон ўтказиб бераётган эди, деб хабар беради Ўзбекистон мусулмонлари идораси матбуот хизмати.
Худойберди қорининг билдиришича, 22 кун давомида Қуръонни тўлиқ хатми қилинди. Қадр кечасида ўтказилган маросимда қори Украина мусулмонлари идорасининг махсус ташаккурномаси билан тақдирланди.
Айни пайтда ўзбекистонлик қори яна бир нуфузли тадбирда иштирок этмоқда. Украина мусулмонлари идораси ҳузуридаги «ал-Моҳир» Қуръон ёдлаш бўлими талабалари ўртасида ўтказилаётган Қуръон тиловати мусобақаларида ҳакам сифатида, қориларнинг чиқишларини баҳолаб бормоқда.
Изоҳ (0)