Uzmobile миллий алоқа оператори +882 префиксидан кирувчи ва чиқувчи қўнғироқларнинг барчасини вақтинчалик блоклаб қўйди. Бу ҳақда компания матбуот хизмати хабар берди.
Миллий операторнинг маълум қилишича, мазкур қарор +882 перефикси томонидан Uzmobile абонентларига нисбатан амалга оширилаётган фирибгарлик қўнғироқларининг олдини олиш учун қабул қилинган.
«Ҳурматли Uzmobile абонентлари, шуни маълум қиламизки, фирибгарлардан Сизга келиб тушаётган +882* префиксли номаълум қўнғироқларни бартараф этиш мақсадида тегишли хизматлар томонидан чора-тадбирлар амалга оширилди. Ҳозирги вақтда +882 префиксидан кирувчи ва чиқувчи қўнғироқлар вақтинчалик тўхтатиб қўйилган», — дейилади хабарда.
Аввалроқ, фирибгарлар Uzmobile абонентларини қўнғироқ ва SMS-хабарлар билан безор қилаётгани ҳақида хабар берилганди.
Изоҳ (0)