Аввал хабар берилганидек, бугун, 10 июнь куни Остонада бокс бўйича Қозоғистон президенти кубогининг финал жанглари бўлиб ўтиши белгиланган эди. Барча финал жанглари якунига етди, деб хабар беради МОҚ матбуот хизмати.
-60 кг вазн тоифасида Ўзбекистон шарафини ҳимоя қилган Шунқор Абдурасулов россиялик Габил Мамедовга қарши жанг ўтказиб, мағлуб бўлди. Ушбу мағлубият сабаб боксчи кумуш медаль билан кифояланди.
-64 кг вазн тоифасида финал жангида рингга чиққан Иқболжон Холдоровга эса мезбонлар вакили Бектаулет Ибрагимовга имкониятни бой бериб қўйди.
Терма жамоа ҳисобига ягона олтин медални -81 кг вазн тоифасида Бектемир Мелиқўзиев ёзиб қўйди. Бектемир қозоғистонлик боксчи Бек Нурмагамбетовни финал жангида мағлуб этиб, мусобақа ғолибига айланди.
Кеча, 9 июнь санасида ўтказилган жанглардан сўнг тўрт нафар ўзбекистонлик боксчи бронза медалига сазовор бўлганди. Шу тариқа Ўзбекистон терма жамоаси турнирда 1 та олтин, 2 та кумуш ва 4 та бронза медалини қўлга киритди.
Изоҳ (0)