Ўзбекистон одамларнинг яшаши учун энг қулай шароитга эга мамлакатлар рейтингида 53-ўринни эгаллади. Бу ҳақдаVivid Maps сайтидаги тадқиқот натижаларига асосланиб, Sputnik хабар берди.
Америкалик олимлар таҳлил вақтида Maxent илмий-тадиқоқт тизимидан фойдаланган. Maxent — бу Homo Sapiens учун қулай яшаш муҳити энтропиясини максимал моделлаштириш. У аҳолининг ҳозирда яшаш шароитига асосланган.
Тадқиқотда 100 дан 10 минг нафаргача аҳоли истиқомат қиладиган шаҳарлар танлаб олинган ҳамда атроф-муҳитнинг потенциал мувофиқ тақсимланишини моделлаштириш учун 19 та биоиқлимий ўзгарувчанликдан фойдаланилган.
Рейтингда биринчи ўринни Бразилия эгаллаган бўлса, ундан кейинги ўринларни АҚШ ва Хитой банд этган. Россия ҳамда Австралия 4 ва 5-ўринларни эгаллаган.
Шунингдек, рўйхатга Марказий Осиё давлатлари — Қозоғистон (11-ўрин), Афғонистон (43-ўрин), Туркманистон (51-ўрин), Қирғизистон (107-ўрин) ҳамда Тожикистон (108-ўрин) ҳам киритилган.
Изоҳ (0)