Меган Маркл Кейт Миддлтон ва шаҳзода Уильямга таъзим қилишни ўрганмоқда

Буюк Британия шаҳзодаси Гаррининг рафиқаси Меган Маркл тўйдан кейин қироллик оиласига хос бўлган одоб-ахлоқ қоидаларини ўрганишга жалб қилинди, деб ёзади «Nur.kz».

Чунончи, яқинда олган герсоглик унвонига қарамай, Меган Кейт Миддлтон билан юзма-юз келган пайтда унга таъзим беришга мажбур бўлмоқда. Меганнинг қайноғаси — шаҳзода Уильям тахтга навбатда иккинчи бўлиб турган бўлғуси қирол бўлгани сабабли, қиз унга ва унинг рафиқаси Кейт Миддлтонга таъзим қилиши шарт.

Аммо қироллик оиласида кўп йиллар хизмат қилиб келаётган бош қаролнинг айтишича, бундай расмиятчилик Кейт ва Меганнинг илиқ муносабатларига халал бераётгани йўқ. Унинг сўзларига кўра, Маркл Миддлтонга ижобий таъсир ўтказмоқда. Улар омма олдига биргаликда чиққан вақтида ўзларини эркин ҳис қилиб, ҳазиллашади ва табассум қилади.

Шунингдек, адоб-ахлоқ қоидаларига кўра, Кейт ва Меганнинг иккаласи ҳам Буюк Британия қироличаси Елизавета II, шаҳзода Филипп, шаҳзода Чарльз ва унинг рафиқаси Камилла Паркер-Боулз қаршисида таъзим бажо келтириши шарт.