Тошкентда дастурлаш бўйича /wincode чемпионати бўлиб ўтади, деб ёзади Spot.
Чемпионат саралаш ва финал босқичларидан иборат бўлиб, «Жамоавий веб-ишланмалар» ва «Бизнес вазифаларни ечишда 1C фреймворкидан фойдаланиш» йўналишларида ўтказилади.
Финал 24 соатли дастурлаш марафони форматида бўлиб ўтади, у 12 сентябрда бошланиб, 13 сентябрь — Дастурчилар кунида якунланади.
Мусобақада ҳамма — исталган ёшдаги профессионаллар ҳам, ҳаваскорлар ҳам қатнашиши мумкин. Ёш ишлаб чиқувчиларга махсус мукофотлар берилади.
Ариза топшириш учун саралаш босқичи топшириғини бажариш керак. Қоидалар билан чемпионат сайтида батафсил танишиш мумкин.