Туркиянинг Даламан аэропортида учиш-қўниш йўлагига йиқилиб тушган 30 ёшли британиялик фуқаро вафот этди, деб хабар беради «РБК».
Ҳодиса юзасидан тергов ишлари олиб борилмоқда.
«Биз марҳум британияликнинг оила аъзолари ва Туркия ҳукумати билан алоқадамиз», — дейди Британия ТИВ вакили.
Бахтсиз ҳодиса 30 май куни соат 03:00 атрофида самолёт учишга тайёрланаётган пайтда юз берди. Британиялик Эндрю Пол уч кун аввал учиб кетиши керак эди, бироқ чиптасини йўқотиб қўйгани учун ўша кундан бери аэропортда қолаётган эди. Экипаж ва Пол ўртасида жанжал келиб чиққан. Унинг сабаблари ҳозирча маълум эмас. Эркак самолёт эшигини маҳкам ушлаб олган, сўнгра 15 метр баландликдан учиш-қўниш йўлагининг бетон қопламаси устига йиқилиб тушган.
Ҳушсиз ҳолда бўлган британияликни шифохонага олиб кетишган. Унга қовурға синиши ташхиси қўйилган. Британиялик ҳушига келмай вафот этган.
Изоҳ (0)