Уганда ғарбида йўловчи автобуснинг трактор ва пиво ортилган цистерна билан тўқнашиб кетиши оқибатида камида 40 киши ҳалок бўлди, дея хабар бермоқда «РИА Новости».
«Синьхуа» агентлиги ахборотига кўра, йўл-транспорт ҳодисаси 26 май, шанбага ўтар кечаси Киряндонго туманида юз берган. Ҳалок бўлганларнинг уч нафари болалар экани айтилмоқда.
Қурбонлардан ташқари яна бир неча киши тан жароҳати олган, бироқ уларнинг аниқ сони ҳозирча маълум эмас.
Маҳаллий полиция вакилининг сўзларига кўра, ҳозирги вақтда ҳодиса жойида қутқарувчилар ва ҳуқуқ-тартибот органлари ходимлари иш олиб бормоқда.
Уганда ўлим билан тугайдиган ЙТҲлар сони бўйича жаҳонда олдинги ўринлардан бирида туради. Мамлакатда ҳар йили 20 мингдан зиёд авариялар юз беради, бунинг оқибатида 2 мингдан ортиқ одам ҳалок бўлади.
Изоҳ (0)