21 май куни Андижон вилоятининг Булоқбоши туманидаги «Соҳибкор» маҳалласи ҳудудида жойлашган дала майдонидан А.Х.нинг бўйин ва ўнг кўкрак қисмига пичоқ урилган ҳолдаги жасади топилган эди. Бу ҳақда ИИВ жамоатчилик ва ОАВ билан алоқалар бошқармаси хабар берди.
«Гулистон» маҳалласининг «Олмос» кўчасида яшаган А.Х тумандаги фермер хўжаликларидан бирига раҳбарлик қилгани билдирилмоқда.
ИИВ маълумотига кўра, кўрилган чоралар натижасида ушбу жиноятни «Соҳибкор» маҳалласида яшовчи Р.У. ўзаро жанжал оқибатида содир этганлиги аниқланди.
Қотилликда гумон қилинаётган Р.У. қўлга олинди. Суриштирув ишлари олиб борилмоқда.
Изоҳ (0)