Тақинли кинопродюсер, Miramax студияси асосчиларидан бири, ўнлаб актисалар томонидан жинсий тегажоғликда айбланиб, ишидан айрилган Харви Вайнштейн ўзига қарши ўтказилган тергов ҳаракатлари якунида полицияга таслим бўлиш ниятида. Бу ҳақда The New York Times’га асосланиб, «РБК» хабар берди.
Маълумотларга кўра, яқин вақтлар ичига Вайнштейнга нисбатан Манхэттен прокуратурасининг айблови эълон қилинади. Вайнштейн вакили ва унинг адвокати продюсернинг таслим бўлиши борасидаги хабарларга изоҳ бермади.
Вайнштейннинг актрисаларга нисбатан жинсий тегажоғлиги ҳақида биринчи бор The News York Times’да хабарлар чоп этилганди. Аввалига актрисалар ўз исмларини ошкор қилмаган ҳолда кечинмаларини сўзлаб берган бўлса, кейинчалик улар омма олдида очиқчасига сўзлай бошлади.
Продюсернинг ўзи барча айбловларни инкор этиб келган.
Вайнштейнга нисбатан эълон қилинадиган аниқ айбловлар ҳақида ҳозирча маълумот йўқ. Тергов ҳаракатлари билан Нью-Йорк, Лос-Анжелес ва Лондон терговчилари шуғулланмоқда.
Изоҳ (0)