«Реал» Испания Ла Лигасининг сўнгги 38-турида «Вильярреал»га қарши ўйинда 2:2 ҳисобида дуранг ўйнади.
Учрашувнинг 32-дақиқасида Криштиану Марселонинг узатмасини бош билан дарвозага жойлаб қўйди. Мазкур гол португалиялик ҳужумчи учун мавсумдаги 50-гол сифатида қайд этилди. Роналду «Реал» учун барча турнирлар доирасида 44 та, Португалия терма жамаоси учун 6 та гол уришга эришди.
Кришти қаторасига 8-мавсумда 50 ва ундан кўп гол уришга муваффақ бўлмоқда. Шунингдек, кечаги гол Роналду учун «Реал» сафидаги 437 ўйинда урилган 450-гол бўлди.
Изоҳ (0)