АҚШлик сайёҳлар учун Буюк Британия шаҳзодаси Гарри ва америкалик актриса Меган Марклнинг тўйи сабабли энг кўп ташриф буюриладиган йўналишлардан бирига айланди, деб хабар беради «ТАСС».
Ҳозирги кунда 2017 йилнинг шу даври билан солиштирилганда Бирлашган Қиролликка келиш истагини билдирган сайёҳлар сони 12 фоизга ортган.
«Маълумки, қироллик оиласининг тўйи сингари муҳим воқеалар инсонларни саёҳат қилишга ундайди. Жорий ҳафтада кўплаб АҚШ фуқароларини мамлакатимизда кўришдан хурсандмиз», — дейилади хабарда.
Виндзор қасрининг ўзига ушбу ҳафтада энг камида 50 минг америкаликлар келади, Бирлашган Қиролликка эса 35 минг нафар хорижий сайёҳлар ташрифи кутилмоқда.
Сайёҳлар оқими мамлакат иқтисодиётига сезиларли даражада фойда келтиради. Гаррининг тўйи дастлабки ҳисоб-китобларга кўра, Бирлашган Қироллик иқтисодиётига 680 миллион доллар даромад келтириши кутилмоқда.
Тахминан 270 миллион доллар сайёҳларнинг транспорт ва меҳмонхоналарни олдиндан банд қилиш хизматидан фойдалангани учун, 203 миллион доллар эса Гарри ва Меганнинг тўйи муносабати билан ташкил этиладиган байрам кечаларида иштирок этишдан, 68 миллион доллар эса тўй муносабати билан ишлаб чиқарилган сувенирлар сотувидан олинади.
Гарри ва Меганнинг тўйи 19 май куни Виндзор қасри ҳудудидаги Муқаддас Георгий ибодатхонасида бўлиб ўтади.
Изоҳ (0)