Google компаниясининг тахминан ўн нафар ходими Project Maven дастури доирасида Пентагон билан ҳамкорликдан норозилик белгиси сифатида ишдан бўшашга қарор қилди. Бу ҳақда Meduza хабар берди.
Project Maven дастури доирасида Google америкалик ҳарбийлар учун сунъий интеллект яратмоқда. Ишланма учувчисиз учадиган воситалардан олинган видоэни таҳлил қилиб, одамни жонсиз нарсадан автоматик тарзда ажратишга имкон бериши мумкин.
Ишдан бўшашга қарор қилган ходимлар Пентагон билан ҳамкорликни қабул қилиб бўлмайди, деб ҳисоблайди. Уларнинг фикрича, қурилмадан олинган видеонинг нотўғри таҳлили ўлим даражасидаги хавфни келтириб чиқариши мумкин, бундай иш билан алгоритм эмас, балки одамлар шуғулланиши керак. Бундан ташқари, уларнинг фикрига кўра, Google умуман ҳарбий лойиҳалар устида ишлаши керак эмас.
Бу компаниянинг қарори билан боғлиқ биринчи оммавий ишдан бўшаш ҳисобланади.
Изоҳ (0)