F-35А бешинчи авлодига оид кўп мақсадли қирувчи самолётларининг олтитаси май ойи давомида Аомори шимолий префектурасидаги Мисава ҳарбий базасига жойлаштирилади. Бу ҳақда Япония мудофаа вазири Ицунори Онодэра маълум қилди, деб хабар беради «ТАСС».
Унинг сўзларига қараганда, қирувчи самолётлардан бири базага бугуннинг ўзида етказиб келинса, 26 май куни эса яна бешта шу турдаги самолётлар олиб келинади. «Бу ҳаводан бўладиган ҳужумлардан ҳимояланиш борасидаги мудофаамизни мустаҳкамлашга, шунингдек, Япония ва АҚШ ўртасидаги муносабатларни мустаҳкамлашга хизмат қилади», — дейди Онодэра.
F-35А қирувчи самолётларини Мисава базасига жойлаштириш 2018 йилнинг январидан бошланган эди. Ҳозирда у ерда бир дона шу турдаги самолёт мавжуд. У АҚШ билан биргаликда 24 майга қадар давом этадиган ҳарбий ўқув машғулотларида иштирок этади.
Изоҳ (0)