15 май – Халқаро оила куни муносабати билан Адлия вазирлиги томонидан «Оилага ҳуқуқий ёрдам» онлайн-акцияси ўтказилади. Бу ҳақда вазирликнинг «Ҳуқуқий ахборот» Telegram-каналида хабар берилди.
Telegram’даги @oilakuniadliyabot ботига ёки Facebook’даги «Адлия билан мулоқот/Диалог с юстицией» саҳифасига оила қонунчилигига оид саволларни йўллаш мумкин.
15 май куни кун давомида Адлия вазирлиги мутахассислари онлайн тарзда ёки электрон почта орқали аҳолига бепул ҳуқуқий маслаҳатлар бериб боради, яъни йўлланган саволларга жавоб беради.
15 май соат 15:00 да эса Адлия вазири ўринбосари Акбар Тошқулов «Адлия билан мулоқот/Диалог с юстицией» саҳифаси орқали онлайн-мулоқотга чиқиб, фойдаланувчиларнинг умумлаштирилган ва таснифланган саволларига жавоб беради.
Акция регламенти ва саволлар йўллаш тартиби билан қуйидаги ҳаволада танишинг: https://goo.gl/o2fWYR
Изоҳ (0)