Ўзбекистоннинг етакчи нашрларидан бири — «Правда Востока» бош муҳаррири Аббосхон Усмонов нафақага чиқди. @davletovuz’нинг хабар беришича, Вазирлар Маҳкамасида бўлиб ўтган йиғилишда бош вазир Абдулла Арипов унга «Меҳнат шуҳрати» орденини топширди ва нашр жамоасига янги раҳбар – Салим Мусурмонович Дониёровни таништирди.
Ўзбекистонда хизмат кўрсатган журналист Аббосхон Усмонов узоқ муддат Президент девони ва республика нашрларида фаолият юритган.
Тўққиз йилдан зиёд «Халқ сўзи» ва «Народное слово» газеталари бош муҳаррири бўлган. 2006 йили молиявий ва кадр муаммолари гирдобида қолган отахон нашр бўлмиш «Правда Востока» газетасига раҳбар этиб тайинланган.
«12 йил давомида ҳукуматнинг рус тилида чиқувчи ягона нашри тамомила ўзгарди. Жамоа ёш кадрлар билан бойитилди, иккита китоб нашр этилди, ‘Олтин қалам’ гран-присига сазовор бўлди. Нашр веб-сайти алоҳида ОАВ сифатида иш бошлади», — дейилади хабарда.
Изоҳ (0)