КХДР ҳукумати уч нафар америкалик асирни озод этишга қарор қилди. Улар мамлакатни АҚШ давлат котиби Майк Помпео билан биргаликда тарк этади. Бу ҳақда «Рёнхап» агентлигига асосланиб, «Газета.ru» хабар берди.
«Биз у (Помпео) Ким Чен Ин ва Дональд Трампнинг учрашув санаси ҳақида маълумотни ҳамда уч нафар асирни ҳам олиб келишини кутмоқдамиз», — дейилади хабарда.
Аввалроқ, Помпео Шимолий Кореяга музокаралар ўтказиш учун ташриф буюргани ҳақида хабар берилганди. Ушбу учрашув Помпео ва Ким Чен Иннинг 6 ҳафта ичида бўлиб ўтган иккинчи суҳбати ҳисобланади. Сиёсатчилар Ким Чен Ин ва президент Трампнинг яқин ҳафталар ичида бўлиб ўтадиган музокараларини муҳокама қилади.
Изоҳ (0)