6 май куни Хотира ва Қадрлаш куни муносабати билан Тошкент шаҳрининг Яшнобод туманида намунали ҳарбийлар ва уларнинг оилаларига 250 та янги хонадонларни тантанали топшириш маросими бўлиб ўтди. Бу ҳақда Тошкент шаҳар ҳокимлиги матбуот хизмати хабар берди.
Янги уйларнинг калитларини шахсан Ўзбекистон Республикаси мудофаа вазири Абдусалом Азизов топширди.
Янги ҳарбий шаҳарча яқин кунларгача умуман ободонлаштирилмаган ҳудуд бўлган. Президент Шавкат Мирзиёев Яшнобод туманига ташриф буюрган чоғида ушбу ҳудудни ободонлаштириш ва шу ерда ҳарбий шаҳарча қуриш зарурлиги тўғрисида фикр билдирган эди. Қисқа вақтда Олмос маҳалласида 18 та 5 қаватли кенг ва қулай хоналарга эга уйлар қуриб битирилди, дейилади хабарда.
Бундан ташқари, яқин орада ҳарбий шаҳарчада мактаб, поликлиника ва болалар боғчаси каби маъмурият объектлари барпо этилади.
Замонавий ҳарбий шаҳарча қурилишининг иккинчи босқичи доирасида 900 та хонадонга мўлжалланган 30 та 5 қаватли уйларнинг қурилиши бошлаб юборилди.
Изоҳ (0)