28 йил илгари «Вояжер-1» космик зонди Қуёш тизимининг чегараларига яқинлашаётганда сайёрамизни суратга олган. Сурат National Geographic томонидан тақдим қилинган.
Суратда Ер 0,12 пиксел ҳажмга эга митти ёруғ нуқтага ўхшаб қолган.
«Вояжер-1» 1977 йили учирилган. Унинг вазифаси Юпитер ва Сатурн сайёраларининг таркиби, оғирлиги ва атмосферасининг зичлиги ҳақида маълумот йиғишдан иборат бўлган. Мақсадга эришилганидан сўнг Jet Propulsion Laboratory (NASA бўлинмаси) зондни Қуёш тизимининг энг олис чегараларига юборган. 1990 йилнинг 15 февралида 6 миллиард километр узоқликда бўлган «Вояжер» Ерни суратга олган.
Сурат Pale Blue Dot (оч ҳаворанг нуқта) деб номланди. Ерни суратга олиш ғоясини астрофизик Карл Саган таклиф қилган
Шу куни зонд Қуёш тизимининг бошқа сайёралари – Юпитер, Венера, Сатурн, Уран ва Нептун сайёраларини ҳам суратга олган. Жамланма «Оилавий сурат» номини олган.
Изоҳ (0)