КХДР етакчиси Ким Чен Иннинг синглиси Ким Ё Чжон Корея Республикаси ва КХДР етакчилари ўртасидаги музокаралар чоғида икки Кореяни бирлаштиришни тезлаштиришни таклиф қилди, деб ёзади «ТАСС» Корея Республикаси президенти матбуот котиби Юн Ён Чханга таяниб.
«Ким Ё Чжон Кореялар бирлашувини тезлаштириш керак, деди», — деди у. Корея Республикаси президенти матбуот котибининг сўзларига кўра, Ким Ё Чжоннинг ушбу гапидан кейин музокаралар столи атрофида ўтирганларнинг барчаси маъқуллаш тарзида баб-баравар кулган.
Ўн йилдан ортиқ вақт давомида биринчи марта ўтказилаётган кореялараро саммит Пханмунжом чегара пунктида бўлиб ўтмоқда.
Аввалроқ КХДР раҳбари Ким Чен Ин ва Корея Республикаси президенти Мун Чжэ Ин ўртасидаги музокараларнинг эрталабки қисми якунлангани, Шимолий Корея етакчиси Жанубий Корея ҳудудини тарк этгани хабар берилган эди.
Изоҳ (0)