Аввал хабар берилганидек, кеча, 24 апрель оқшомида Юрген Клопп бошлиқ «Ливерпуль» ўз майдонида Римнинг «Рома»сини қабул қилиб, йирик 5:2 ҳисобида ғолиб бўлди.
Шунингдек, «мерсисайдликлар» ярим ҳимоячиси Жеймс Милнер мазкур учрашувда битта голли узатмага муаллифлик қилди. Натижада, Милнер жорий мавсумдаги голли узатмалари сонини 9 тага етказиб олди ва Европа Чемпионлар Лигаси рекордини ўрнатди. Бундай натижага аввал ҳеч бир футболчи эришмаган эди. Бу кўрсаткичга эришиш учун Жеймсга 701 дақиқа керак бўлди.
ЕЧЛда бир мавсумида энг кўп голли узатма берган футболчилар:
- Жеймс Милнер («Ливерпуль»), 701 дақиқа, 2017/18 — 9 та
- Уэйн Руни («Манчестер Юнайтед»), 765 дақиқа, 2013/14 — 8 та
- Неймар («Барселона»), 797 дақиқа, 2016/17 — 8 та
- Райан Гиггз («Манчестер Юнайтед»), 605 дақиқа, 2006/07 — 7 та
- Златан Ибрагимович (ПСЖ), 793 дақиқа, 2012/13 — 7 та
- Хави Эрнандес («Барселона»), 971 дақиқа, 2008/09 — 7 та
Изоҳ (0)