Бироз аввал Латвия чемпионатининг сўнгги икки йилдаги чемпиони – Юрмаланинг «Спартак» клубини энди россиялик 46 ёшли мутахассис Александр Гришин бошқариши ва шу вақтга қадар клуб бош мураббийи лавозимида ишлаб келган ўзбекистонлик мутахассис Самвел Бабаян УЕФА мураббийлик лицензиясига эга бўлмагани учун, ўз лавозимидан озод этилгани ҳақида хабар берилганди.
Клуб расмий сайтининг хабар беришича, Самвел Бабаян клуб тизимида қоладиган бўлди. Унга кўра, Бабаян клубда техник директор лавозимида фаолиятини давом эттиради.
Маълумот учун, Самвел Бабаян ЎФФ (Ҳозирда ЎФА) Ижроия Қўмитаси Бюросининг 2018 йил 15 январдаги 3-сонли қарорига мувофиқ Ўзбекистонда футболга алоқадор ҳар қандай фаолият билан шуғулланишдан умрбод четлаштирилганди.
Самвел Бабаян, шунингдек, эндиликда Ўзбекистон футболига ҳам қайта олмайди, қайтса ҳам футболга алоқадор бўлган соҳаларда ишлай олмайди. Чунки яқинда ЎФА 1-президенти Умид Аҳмаджонов Бабаяннинг кечирилмаслигини маълум қилган эди.
Изоҳ (0)