The Henley & Partners компанияси янгиланган Жаҳон фуқаролик индекси (Quality of Nationality Index — QNI)ни эълон қилди, деб ёзади «Anhor.uz». Унда турли мамлакатлар фуқароликларига баҳо берилади.
Фуқаролик рейтингида Франция етакчи бўлди (81,7%), ундан кейин Германия жойлашди. Энг яхши фуқаролик индексига эга давлатлар ўнлигига Исландия, Дания, Нидерландия, Норвегия, Швеция, Финляндия, Италия, Ирландия, Швейцария ва Австрия кирди.
Энг ёмон фуқаролик кўрсаткичларига эга мамлакатлар Афғонистон ва Сомали бўлди.
МДҲ минтақасида энг яхши натижа Россияга тегишли — 63-ўрин. 2017 йилда Россия фуқаролиги қимматлилиги 40,5 фоизни ташкил қилди, бу ўтган йилдаги кўрсаткичдан 0,8 фоизга кўп демакдир. Қозоғистон 33,4 фоиз билан 91-ўринда, Қирғизистон (28,4%) — 109-ўринда, Ўзбекистон эса (27,2%) — 117-ўринда жойлашди. Тожикистон эса 25,6 фоиз кўрсаткич билан рейтингнинг 126-ўрнини эгаллади.
Изоҳ (0)