Европада нол евролик купюра пайдо бўлди

Германияда Карл Маркс туғилган шаҳарда иқтисодчи туғилган куннинг 200 йиллигига бағишланган нол евро номиналидаги купюра чиқарилди. Бу ҳақда The Local хабар бермоқда.

Файласуфнинг портрети акс эттирилган сувенирларни маҳаллий туристик компания чиқарди.

Беш минг купюрадан иборат биринчи адад 2018 йилнинг март ойида чоп этилган ва бир ойдан камроқ вақт ичида сотилган эди. Бир купюранинг қиймати уч еврони ташкил этган.

Туристик компания янги адад чиқарилиши ҳақида маълум қилди — эмиссия 20 минг купюрани ташкил этади, улар 23 апрель куни сотувга чиқади. Уни ташкилот сайтида онлайн харид қилиш мумкин бўлади.

Немис файласуфи Карл Маркс (1818—1883) 1818 йилнинг 5 майида Трир шаҳрида дунёга келган.