Ўзбекистонда 2018 йилнинг I чорагида онлайн аукционлар орқали 734 та авторақам сотилди, шуларнинг 544 таси жисмоний шахсларга, 190 таси юридик шахсларга сотилди. Сотилган давлат рақам белгиларининг умумий қиймати 12,1 миллиард сўмдан ошди. Кўрсатилган даврда тузилган битта битимнинг ўртача қиймати 16,5 миллион сўмни ташкил этди. Бу ҳақда Республика товар хом ашё биржасининг махсус ахборот портали хабар берди.
Харидорларнинг таркибий тузилмасида етакчи ўрин, яъни бозорнинг 40 фоизи Тошкент ва Тошкент вилоятининг автотранспорт эгаларига тегишли. Кейинги навбатда Самарқанд ва Фарғона вилоятлари (11 фоиздан), учинчи ўринда Наманган ва Андижон вилоятлари (6 фоиздан)нинг харидорлари жойлашган.
Кўриб чиқилаётган даврда «Авторақам» электрон тизимида ҳар куни ўртача 11 та битим тузилган. Ўтказилаётган рақобатли савдолар жараёнида авторақамларнинг олий тоифаси бўйича ўртача 11 та талабномалар келиб тушса, уларнинг иккинчи тоифасига – 22 та ва учинчиси бўйича – 3 дан зиёд нарх таклифлари берилган.
Изоҳ (0)