Эроннинг олий диний етакчиси оятуллоҳ Али Хоманаий Сурияга берилган авиазарбалардан сўнг АҚШ, Франция ва Буюк Британия раҳбарларини жиноятчилар деб ҳисоблашини маълум қилди. Бу ҳақда «Коммерсантъ» хабар бермоқда.
«Мен шахсан баёнот бераман — АҚШ президенти, Франция президенти ва Буюк Британия бош вазири — жиноятчилардир. Улар шу билан тўхтаб қолмайди, сўнгги йилларда улар Ироқ, Сурия ва Афғонистонга кириб бориб, худди шундай жиноятларни содир этишган ва даромад кўришган», — деди Хоманаий ислом мамлакатлари элчилари билан учрашув чоғида.
Аввалроқ АҚШ президенти Дональд Трамп мамлакат халқига мурожаати давомида Сурияга зарбалар бериш бўйича қарор қабул қилганини маълум қилган эди. Франция томони ушбу ҳужум ҳақида Россия олдиндан огоҳлантирилганини таъкидламоқда. Россия бўлса БМТ Хавфсизлик кенгашининг фавқулодда мажлиси чақирилишини талаб қилмоқда.
Изоҳ (0)