Бутунжаҳон бокс сериясида иштирок этаётган Ўзбекистоннинг Uzbek Tigers жамоаси Венесуэланинг Venesuela Caciques жамоасига қарши жанг олиб борди. Бугуннинг ўзида 10 та жанг ўтказилиши белгиланганди. Уларнинг барчаси ўз ниҳоясига етиб улгурди. Жангларга Термиз шаҳри мезбонлик қилди.
Жамоалар икки гуруҳга C1 ва C2 гуруҳига бўлинган ҳолда жанг олиб борди.
Даставвал C1 гуруҳи боксчилари рингда ўзаро беллашди.
-49 кг вазн тоифаси боксчилари Нодир Мирзааҳмедов ҳамда Луис Поласо ўзаро жангда бугунги бокс оқшомини очиб берди. Жангни туркиялик рефери Чинор Ясар бошқариб борди. Ҳакамлар қарорига кўра Нодиржон Мирзааҳмедов муддатидан аввал ғалаба қозонди. Рақиб боксчининг қоши ёрилгани боис, ҳакамлар жангни тўхтатди. Шу тариқа Uzbek Tigers 1:0 ҳисобида олдинган чиқиб олди.
56 кг вазн тоифасида рингга кўтарилган Uzbek Tigers аъзоси Шаҳобиддин Зоиров венусуэлалик рақиби Йоэль Финолни мағлуб этди. Зоиров ҳакамларнинг қарорига кўра 3:0 (49:46, 49:46, 48:47) ҳисобида ғалаба қозонди.
75 кг вазнда рингга кўтарилган Uzbek Tigers аъзоси Исроил Мадримов венусуэлалик Кейбар Гонсалесга қарши рингга чиқди. Исроил Мадримов ҳакамни икки бор ҳисобни очишга мажбур қилди ва катта устунлик билан ғалаба қозонди. Ҳакамлар бир овоздан 3:0 (50:45, 50:43, 50:41) ҳисобида Исроилнинг ғалабасини қайд этди.
C1 гуруҳининг сўнгги жангида 91 кг вазнда рингга кўтарилган Uzbek Tigers аъзоси Санжар Турсуновга Venesuela Caciques жамоасидан Белло Диас рақиблик қилди. Санжар Турсунов ҳам ҳакамни 2 бор ҳисобни очишга мажбур қилди ва рақибини мағлуб этди. Ҳакамлар бир овоздан Санжарнинг ғалабасини қайд этди. Ҳисоб 3:0 (50:42, 50:44, 50:43) кўринишини олди.
Шу тариқ C1 гуруҳида Uzbek Tigers рақибини мутлақ 5:0 ҳисобида енгишга эришди.
- 49 кг: Нодиржон Мирзааҳмедов – Поланко Васкес Дисквалификация сабабли Нодиржон ғалаба қозонди.
- 56 кг: Шаҳобиддин Зоиров – Йоэль Финол - 3:0 (49:46, 49:46, 49:47)
- 64 кг: Алиёр Норалиев – Кристиан Паласио - 3:0
- 75 кг: Исроил Мадримов – Кейбар Гонсалес - 3:0 (50:45,50:43, 50:41)
- -91 кг: Санжар Турсунов – Белло Диас – 3:0
C2 гуруҳининг 1-жанги 52 кг вазнда Жасурбек Латипов Хесус Рохасга қарши рингга чиқиб, рақибини муддатидан аввал мағлуб этишга эришди.
Иккинчи жанг эса 60 кг вазнда Шунқор Абдурасулов ва Луис Кабрера ўртасида кечди. Ҳакамлар ушбу жангда Шунқорнинг 2:1 ҳисобида ғалаба қозонганини қайд этди.
Учинчи жанг 69 кг вазнда Маҳмуд Ғоипов ҳамда Габриэль Маэстре ўртасида кечди. Жангда ҳакамлар Маэстренинг 3:0 ҳисобидаги ғалабасини қайд этди.
Тўртинчи жангда 81 кг вазнда рингга кўтарилга Рио Олимпиадаси совриндори Бектемир Мелиқўзиев рақиби Належ Корбажни муддатидан аввал мағлуб этишга эришди.
C2 гуруҳининг сўнгги жангида +91 кг вазнда рингга кўтарилган Баҳодир Жалолов рақиби Жордан Эрнандесни нокаутга учратиб, муддатидан аввал ғолиб бўлишга муваффақ бўлди.
- 52 кг: Жасурбек Латипов - Хесус Рохас - ТКО4
- 60 кг: Шунқор Абдурасулов - Луис Кабрера - 2:1
- 69 кг: Маҳмуд Ғоипов - Габриэль Маэстре - 1:2
- 81 кг: Бектемир Мелиқўзиев - Налек Корбаж - КО1
- +91 кг: Баҳодир Жалолов - Жордан Эрнандес - КО1
Шу тариқа Uzbek Tigers Венесуэланинг Venesuela Caciques жамоасини умумий 9:1 ҳисобида мағлуб этиб этишга эришди.
Изоҳ (0)