Ўзгалар парваришига муҳтож бўлган ёлғиз кексалар ва ногиронлиги бўлган шахсларнинг рўйхатини шакллантириш тартиби тўғрисида низомни тасдиқлаш ҳақидаги Вазирлар Маҳкамаси қарори қабул қилинди. Бу ҳақда Адлия вазирлиги хабар бермоқда.
Қарор билан тасдиқланган низомга асосан ўзгалар парваришига муҳтож бўлган ёлғиз кексалар ва ногиронлиги бўлган шахслар рўйхати қуйидаги тартибда шакллантирилади:
Уйма-уй юриш чоғида;
Жисмоний ва юридик шахслар томонидан берилган ахборот асосида;
Ижтимоий хизматларга муҳтож шахс мустақил равишда мурожаат этганда.
Туман (шаҳар) тиббиёт бирлашмаси фуқароларнинг ўзини ўзи бошқариш органлари билан биргаликда уйма-уй юриш чоғида тўпланган ахборотга асосан ўзгалар парваришига муҳтож бўлган ёлғиз кексалар ва ногиронлиги бўлган шахсларни аниқлаб, уларнинг рўйхатини тузади.
Туман (шаҳар) ҳокимлиги тақдим этилган рўйхатни 5 иш куни мобайнида тасдиқлайди ва рўйхат асосида кўрсатилаётган хизматлар тури бўйича реестр тузиб, 3 иш куни мобайнида туман (шаҳар) тиббиёт бирлашмасига ва молия бўлимига ижро этиш учун юборади.
Изоҳ (0)