АҚШ президенти Дональд Трамп 6 апрель куни Абу-Даби валиаҳд шаҳзодаси Муҳаммад бин Зайд ал-Наҳаён билан телефон орқали суҳбатлашди. Томонлар Форс кўрфази мамлакатлари ўртасидаги можарони ҳамда Эрон ва террорчиликка қарши курашиш учун бирлашиш зарурлиги масаласини муҳокама қилди, деб хабар беради «РИА Новости».
«Президент Дональд Трамп бугун Бирлашган Араб Амирлиги валиаҳд шаҳзодаси Муҳаммад бин Зайд билан суҳбатлашди, томонлар минтақада содир бўлаётган воқеалар ҳамда иқтисодий ва хавфсизлик борасида ўзаро ҳамкорлик қилиш борасида бир қатор масалаларни муҳокама қилди. Президент валиаҳд шаҳзодани Форс кўрфази давлатлари бирлиги Эроннинг беқарорлаштирувчи фаолиятига қарши туришда ҳамда террорчиларни енгишда ёрдам беришини исботлашга уринаётгани учун миннатдорчилик билдирди», — дейилади хабарда.
«Томонлар Форс кўрфазининг барча давлатлари минтақадаги тинчлик ва фаровонликни таъминлаш учун бир-бирлари ва Қўшма Штатлар билан муносабатларни кучайтиришга келишиб олди», — дея таъкидланади Оқ уй хабарида.
Изоҳ (0)