Киевда Украина иқтисодий ривожланиш ва савдо, Ўзбекистон ташқи савдо вазирликлари, Ўзбекистоннинг Киевдаги дипломатик миссияси вакиллари иштирокида учрашув бўлиб ўтди. Бу ҳақда «Жаҳон» хабар бермоқда.
Наталья Микольская.Фото: Украина иқтисодий ривожланиш ва савдо вазирлигиМулоқот давомида Украина иқтисодий ривожланиш ва савдо вазири ўринбосари Наталья Микольская ўзаро савдо-иқтисодий ва инвестициявий ҳамкорлик фаоллашиши муҳимлигини таъкидлади.
Тошкент ва Киев ўртасида тўғридан-тўғри рейсларни тиклаш бўйича келишувларни тезроқ амалга ошириш зарурлиги қайд этилди. Икки давлат авиация расмийлари 2017 йил 12 декабрида имзоланган протокол ҳафтасига икки бор парвозларни йўлга қўйишни кўзда тутади.
Томонлар кондитер маҳсулотлари ва юк автомобилларига нисбатан акциз солиғи қўлланиши масаласини ҳам муҳокама қилди. Дастлабки маслаҳатлашув ва музокараларсиз Ўзбекистон товарларига қўшимча чеклов чоралари қўлланмаслиги бўйича келишувга эришилди. Украина томонига маҳаллий бозорни ўрганиш ва тақдимотлар ўтказиш учун юк автомобиль техникаси ишлаб чиқарувчиларини Ўзбекистонга юбориш таклиф қилинди.
«Ўзавтосаноат», MAN Аuто Uzbekistan ва «СамАвто» раҳбарлари учун «Интер Авто Трейдинг» ва «Автоэкспо» компаниялари билан музокаралар уюштирилди. Улар давомида Украинадаги шаҳар маъмуриятлари ва коммунал тизимлар учун автобуслар, юк ва махсус техника етказиб беришнинг дастлабки шартлари келишиб олинди.
Изоҳ (0)