Ўзбекистон ташқи ишлар вазири Абдулазиз Комилов Афғонистон бўйича халқаро конференцияда иштирок этган Ҳиндистон ташқи ишлар вазири Мубошер Жавод Акбар билан учрашди. Бу ҳақда ТИВ матбуот хизмати хабар бермоқда.
Суҳбат аввалида Мубошер Жавод Акбар Ҳиндистон делегацияси номидан Ўзбекистон раҳбариятини Афғонистонда тинчлик жараёни ва минатқа учун муҳим бўлган Тошкент форуми якунлари билан табриклади. Конференцияда БМТ Хавфсизлик кенгашининг доимий аъзолари, халқаро ва минтақавий тузилмалар ҳамда Афғонистонга қўшни давлатларнинг юқори даражали делегациялари йиғилганлиги қайд этилди.
Учрашувда Ўзбекистон Президенти Шавкат Мирзиёевнинг жорий йил кузига режалаштирилган Ҳиндистонга расмий ташрифига тайёргарликнинг амалий жиҳатлари ва олий даражада бўлажак музокаралар кун тартибига асосий эътибор қаратилди.
Суҳбат чоғида икки ва кўп томонлама шакллардаги Ўзбекистон—Ҳиндистон ҳамкорлигининг бошқа масалалари муҳокама қилинди.
Изоҳ (0)