Венесуэланинг Карабобо штати полицияси ҳузуридаги маҳбусларни сақлаш марказида қўзғолондан кейин бошланган ёнғин оқибатида 78 нафар маҳбус ҳалок бўлди, деб ёзади «Газета.ru».
Noticias Caracol нашри хабарига кўра, 10 аёл ва 68 эркак қурбон бўлган. Марҳум аёллар қўзғолон бошланишидан сал аввал ўз эрларини кўриш учун келган ташрифчилар бўлган. Марказда жами 100 дан ортиқ одам бўлган.
28 март, чоршанба куни қамоқхона биносидан отишма товушлари келган. Маҳбуслардан бири онасига турмадагиларни камералар олдига қуйиб чиқилган бензинни ёқиб юбориш йўли билан ўлдиришмоқчи эканликларини хабар қилган. Таъкидланишича, маҳбусларнинг бир қисми куйишдан, бошқалари тутундан заҳарланиб ўлган.
Ҳукумат воқеа юзасидан расмий изоҳ берганича йўқ.
Изоҳ (0)