Британияда ногирон телебошловчини самолётда унутиб қолдиришди

EasyJet авиакомпанияси ходимлари британиялик фалаж журналист Софи Морганни бўм-бўш самолёт бортида унутиб қолдирди, деб ёзади The Daily Mail.

Лайнер Лондоннинг Гатвик аэропортига қўнганидан кейин 33 ёшли телебошловчи авиакомпания ходимларини 40 дақиқа кутишига тўғри келган. Стюардессалар аэропорт ишчиларидан бири унинг ногиронлар аравачасини олиб кетганини айтган. Бу вақт ичида Морган Twitter’га бўм-бўш самолёт ичида олинган селфисини жойлади.

«EasyJet бортида 40 дақиқага қолдиришди… Ҳеч ким узр сўрамади. Фақат қўпол ходимлар, холос», — деб ёзди Морган.

Шундан сўнг аэропорт вакиллари Twitter’да ходимларнинг номақбул хулқи учун узр сўраб, шахсий хабарлар билан мулоқот қилишни таклиф этди. Бунга жавобан, Морган шунга ўхшаш ҳолатлар жуда кўп юз беришини айтди.

@FrankRGardner same issue at @Gatwick_Airport today. Left on board @easyJet for 40 mins. On stuck in ambulift. No apologies. Only rude staff.. pic.twitter.com/IrhngnRH6o

— sophie morgan (@sophmorgTV) March 27, 2018