Бугун, 27 март куни Афғонистон масаласи бўйича Тошкентда бўлиб ўтаётган «Тинчлик жараёни, хавфсизлик соҳасида ҳамкорлик ва минтақавий шериклик» мавзуидаги конференцияда Ўзбекистон Президенти Шавкат Мирзиёев ҳам иштирок этади.
Шунингдек, ушбу конференцияда Афғонистон президенти Муҳаммад Ашраф Ғани, Евроиттифоқнинг ташқи ишлар ва хавфсизлик сиёсати бўйича олий вакили, Еврокомиссия вице-президенти Федерики Могерини иштирок этиб, нутқ сўзлайди.
Бундан ташқари БМТ Бош котиби Антониу Гуттеришнинг видеомурожаати намойиш этилиши кутилмоқда.
Мазкур конференция Ўзбекистон Президентининг Facebook’даги расмий саҳифасида тўғридан-тўғри трансляция қилинади.
Эслатиб ўтамиз, олдинроқ Комил Алламжонов Афғонистон бўйича Тошкент конференциясида 20 дан ортиқ давлат, нуфузли халқаро ташкилотлар делегациялари иштирок этишини билдирганди.
Изоҳ (0)