MyTaxi’дан энг тежамкор йўловчилар учун «Оддий» тарифи

Агарда сиз Тошкент бўйлаб таксида ҳаракатланмоқчи бўлсангиз, сизда кўплаб вариантлар мавжуд — расмий ташувчилардан тортиб, кўп миқдордаги норасмий таксичиларгача. MyTaxi март ойида кенг имкониятли «Оддий» тарифини тақдим этди. Янги таклиф билан танишиш сизга қийинчилик туғдирмаслиги учун барча маълумотларни имкон қадар батафсил тушунтиришга ҳаракат қиламиз.

Ким учун?

«Оддий» тарифи қисқа масофага ҳаракатланувчи ва иқтисодий жиҳатдан маблағларни тежовчи инсонларга мўлжалланган. У иш жойидан 2—3 бекат нарида яшовчилар, ўз фарзандларини мактаб ва боғчага элтувчи оналар учун жуда қулай. Энди ёмғирда йўл бўйлаб югуриш ёки қуёш нурларини кафтларингиз билан беркитган ҳолда ишга шошишингиз шарт эмас.

Бу нега фойдали?

Одатда биз узоқ масофага ҳаракатланганимизда расмий такси хизматларидан фойдаланамиз. Қисқа маршрутларда эса шахсий автомобилида одам ташувчилардан ортиқроқ сўрайдиган расмий таксиларнинг «минимал» чақируви фойдали эмас, албатта. «Оддий» тарифи минимал тушунчасини бекор қилади, бироқ «авто хизмат»ни жорий этади — бу сизга яқин йўл бўйига қадар юриб бормаслигингизни ҳамда ўзининг шахсий автомобилида одам ташиш билан шуғулланувчилар билан савдолашмасдан ажойиб қулайликни жуда кам маблағ эвазига таклиф этувчи хизматдир.

Яққол кўриниши учун янги «Оддий» тарифини «Эконом» тарифи билан солиштириб кўрайлик

Уч километрдан ортиқроққа ҳаракатланилганида MyTaxi’нинг «Эконом» ҳамда «Оддий» тарифлари ўртасидаги фарқи 400 сўмни ташкил этади.

Нега бу қулай?

Мижозлар учун арзонроқ хизматларни таклиф этиш, унинг сифатини ёмонлашишидан дарак бермайди. «Оддий» ва «Эконом» тарифидаги автомобиллар бир хил. Аслида, йўловчи расмий ташувчининг қулайликларини сафарга чиқиш нархидан олади. Бунда сиз қуйидаги ҳолатлардан қутуласиз:

• Йўл бўйига туриб олиб, қўл кўтариш;
• Нарх борасида баҳслашиш;
• Ҳар бир «столба» тагида тўхтаб, йўл-йўлакай яна одам олиш;
• Бензин нархининг ошганлиги ҳақидаги шикоятлар;
• Бошқа йўловчиларни ташлаш учун айланиб юриш;
• Тамаки ҳиди ўтириб қолган салондан нафас олиш.

Фойдали маслаҳатлар

Агарда сиз ҳаракатланадиган йўналишингиз неча километр эканлигини билмасангиз, манзилгача бўлган светофорларни сананг. Шаҳар марказида одатда улар орасидаги масофа 400 метрга тенг.

«Оддий» тарифи шахсий автомобилидаги таксичилик қилувчиларга муқобилдир. Энди сиз нарх ва қулайликдан қайси бирини танласам экан, деб хуноб бўлмайсиз.

Мобил дастурга ҳавола 

Telegram-ботга ҳавола 

Facebook’ка ҳавола 

Instagram’га ҳавола 

Реклама ҳуқуқи асосида!