«Психиатрия ёрдами кўрсатиш тизимини тубдан такомиллаштириш чора-тадбирлари тўғрисида»ги қарорга кўра, 2018/2019-ўқув йилидан бошлаб давлат гранти асосида «психиатрия» йўналиши бўйича магистрларни тайёрлаш юзасидан олий тиббиёт таълим муассасаларида қабул квоталари оширилади, деб хабар берди ЎзА.
Жумладан, Тошкент тиббиёт академиясига – 15 нафар, Тошкент педиатрия тиббиёт институти, Андижон давлат тиббиёт институти, Бухоро давлат тиббиёт институти, Самарқанд давлат тиббиёт институтига – 10 нафардан қабул квоталари оширилади.
Бундан ташқари Соғлиқни сақлаш вазирлиги томонидан 2018/2019-ўқув йилидан бошлаб, Тошкент врачлар малакасини ошириш институти, Самарқанд давлат тиббиёт институти ва Андижон давлат тиббиёт институтларида базавий тиббиёт маълумотига эга бўлган врачлар учун «психиатрия» ва «суицидология» йўналишларида ихтисослашув курслари ташкил қилинади.
Барча тиббиёт таълим муассасалари ва уларнинг филиалларида «психиатрия» йўналиши бўйича клиник ординатурада ўқиш учун ўринлар сони 10 тагача кўпайтирилади.
Изоҳ (0)