Либерал-демократик партиядан Россия президентлигига номзод Владимир Жириновский «Россия-1» телеканалида эфирга узатилган дебатда рақибаси Ксения Собчакнинг йиғлаб, студияни тарк этишига изоҳ берди, деб хабар беради «MK.ru».
Жириновский Собчакнинг кўз ёшларини изоҳлар экан, «сиёсат бу дўстларнинг баҳси эмас, балки оппонентларнинг ҳукумат учун кураши» эканлигини таъкидлаган.
«Сиёсат — бу оғир меҳнат, аёвсиз баҳслар, баъзан қичқириқ, таваккал ва ҳатто хавф-хатардир», — деб ёзади Жириновский ўз Telegram каналида.
Унинг фикрича, президентлик лавозимини эгаллашни истаган номзод мустаҳкам, ҳатто шафқатсиз бўлишга тайёр туриши керак.
Маълумот учун, «Россия-1» телеканалидаги дебатда Ксения Собчак Жириновский нафақат уни гапиришга қўймаётгани, балки ҳақорат ҳам қилаётганини маълум қилган ва йиғлаб юборган ҳолда зални тарк этган.
Изоҳ (0)