Сурхондарё вилояти Денов тумани Водий маҳалласида яшаган 24 ёшли Иноятулло Сўлматов (исм-шарифлар ўзгартирилган) Россия Ички ишлар вазирлиги ва вилоят ички ишлар бошқармаси ходимлари томонидан Москва шаҳрида қўлга олинди, деб хабар берди ЎзА.
У 2014 йил март ойида Ўзбекистон Республикаси Жиноят кодексида кўзда тутилган конституциявий тузумга тажовуз қилиш, жамоат хавфсизлиги ва жамоат тартибига таҳдид соладиган материалларни тайёрлаш, сақлаш, тарқатиш ёки намойиш этиш, диний экстремистик, сепаратистик, фундаменталистик ёки бошқа тақиқланган ташкилотлар тузиш, уларга раҳбарлик қилиш, уларда иштирок этиш билан боғлиқ жиноятларни содир этиб, жиноий жавобгарликдан қочиб юрган эди.
Маълумотларга кўра, 20 ёшида ўта хавфли жиноятга қўл уриб, хорижда яширинган Иноятулло Сўлматов Ўзбекистонга депортация қилинган.
Изоҳ (0)