Қозоғистон Республикаси инвестиция ва тараққиёт вазири Женис Қасимбеков Қозоғистон ва Ўзбекистон ўртасида автобуслар, авиа ва темирйўл қатновларини кўпайтириш борасидаги режалар билан бўлишди, деб хабар берди «Казинформ».
«Ўтган йили бизда (Ўзбекистон ва Қозоғистон) мунтазам қатнайдиган автобус рейслари мавжуд эмасди. 2017 йилнинг кузида Тошкент—Чимкент йўналиши бўйича рейсларни йўлга қўйдик. Биз ушбу автобуслар ўзини оқлаганини кўраяпмиз. Шу сабабли ҳозирда биз Тошкентдан Остона ва Олмаотага, шунингдек, Тарозга рейсларни йўлга қўйишни таклиф қилаяпмиз, Ўзбекистон томони эса Самарқанд ва ўзининг бошқа туристик шаҳарларга рейсларни таклиф қилмоқда… Бундан ташқари Остона ва Тошкент ўртасидаги авиақатновлар сонини тўрттадан еттитага, Олмаота ва Тошкент ўртасидаги қатновларни эса еттитадан ўнтага қадар кўпайтирмоқдамиз», — дейди Женис Қасимбеков Остонада бўлиб ўтган икки мамкалат ўртасидаги ҳукуматлараро комиссиянинг 17-йиғилишида.
Шу билан бирга «Олмаота—Тошкент» йўналиши бўйича поездлар қатнови ҳам оширилади. 18 мартдан бошлаб мазкур йўналиш бўйича ҳафтасига уч маротаба поездлар қатнайди. Апрель ойидан эса Остона—Самарқанд йўналишида йўловчи поездлари мунтазм қатновларни амалга ошира бошлайди.
Изоҳ (0)